icon-car-sales

D客成日問我哋:「打蠟、Coating可以KEEP到幾耐?」

我哋會問返佢:「其實你有幾錫架車先?」

如果架車日日去地盤, 泊露天, 落完雨又唔沖下水, 又用D過度酸性/ 過度鹼性嘅洗車液洗車, 甚至乎唔沖水, 再用一條毛巾由頭抹到尾, 我做乜都係嘥氣。

有D客就喺咁對架車, 所以有時我會叫佢哋, 不如慳返D錢去飲吓茶啦, 打咩蠟都幫佢唔到啦!! ^0^

 

件事好曲折嘅,媽媽一想去街,就成日攪住呀Wing,要佢負責做司機,爸爸無論幾踴躍申請車佢,都一直被拒絕,但呀Wing又成日唔得閒,就要求媽媽坐爸爸架車,媽媽知道佢好忙嘅,係因為有苦衷,佢嫌棄老豆架車實在太過污漕,多年來又唔肯大洗一次內籠,為咗唔比啊媽成日攪住晒,兼且想比機會兩老可以拍下拖,呀wing 襯著爸爸去咗工幹幾日,終於決定盗取左佢架車出黎比我哋大洗。

都唔記得架車洗咗幾耐,先洗返乾淨,應該係兩日幾啦!

個冷氣格風格,除咗汚漕到漬死晒之外,仲要用到穿晒窿又有蟲仔同泥嘅,當然幫換左一個新嘅!

 

爸爸拎車嘅時候話:『嘩,乜架車入面,原來咁嘅顏色嘅咩,啊!真係而家先知!』

 

呀wing 話,雖然貴,但係真係好抵比同比得好開心!

 

見到媽媽上車同我地揮手拜拜果個笑容,幫到佢地手,我地都真係好滿足!^_^

 

1997 Benz S600

呢位客人覺發個內籠有難受味道,但總係搵唔到個異味源頭,一直非常困擾,經朋友介紹,佢黎搵我地幫手查明真相⋯⋯

當我地打開車門就嗅到一陣霉味,攞起曬毛地氈,就發現成個地台同地墊底部都係霉菌,座椅邊位都有綠色的霉菌,不過唔算太過分 -_-#

現場解釋比客人知,呢D咁潮濕既天氣,再加上落雨D傘水、鞋底D水,加速咗D菌既生長速度,就會引發出呢種難嗅既味道...加上客人好少用呢架車,所以D菌更加容易生長。

我地第一時間用左環保殺菌消毒劑同高壓地氈噴注機,將地台同所有地墊D污漬泊返晒出黎先。

再用高溫滅菌,加真空吸索機將汚物吸走。

呢個情序,要重覆做多幾次,確保效果,再用環保清潔劑洗埋座椅、安全帶同其他所有車廂配件,加上起漬,才能安心。

最後,換一個新嘅冷氣風格,利用活性氧技術,去分解埋成個車廂同冷氣循環系統細菌。


完成後的效果客人相當滿意Y(^_^)Y

PS:附送埋一個小tips比佢,想車廂乾爽D,記得長期放吸濕產品,想環保D,當放備長碳,絕對幫到手

 

Wow wow wow 
偉大的菲傭姐姐,
洗到架咁樣+.+"!

我地四人用左半日先處理完,變反架正常車!

100%水浸地台,細菌加上濕氣,在密閉空間內發酵,令全個車廂內籠發出不知名臭味!車主外遊反港,感到非常困擾及沮喪!



係時候幫下佢手啦!

用專業技術加環保消毒殺箘劑

http://youtu.be/gMtQ5LurfsU

Honda Accord

客人表示已喺其他美容公司上咗蠟,我哋都唔知講咩好,唯有做一次比佢睇啦。

車主離開香港一年盞燈就變成咁啦,佢幫起返D漬同拋光返,開心晒。